Қазақстандағы теміржол өндірісінің толық циклі

Қазақстанның үш өңірі – Петропавл, Екібастұз және Атырау – бүгінде теміржол өндірісінің толық циклін қалыптастыруда: шикізат пен конструкторлық құжаттамадан бастап дайын өнімге дейінгі бүкіл өндірістік тізбек қамтылады. Қазірдің өзінде қандай өндірістер жұмыс істеп тұрғанын және алдағы жылдары қандай қуаттар іске қосылатынын баяндаймыз.

«Петропавлдағы зауытта біз металл кесуден бастап құрастыру мен сынақтан өткізуге дейінгі барлық операциялар циклін орындаймыз. Арбалар мен доңғалақ жұптарынан бастап вагондарға дейінгі барлық өнім өзіміздің конструкторлық құжаттамамыз бойынша шығарылады. Алдағы екі жылда нарыққа шығаруды жоспарлап отырған жаңа өнім түрлеріне арналған техникалық құжаттаманы да өзіміз әзірлейміз», – дейді Railways Systems KZ басқарма төрағасы Сергей Павлингер.